الأحد، 5 ديسمبر، 2010

ياسلام سلم على زراعه بلدنا اللى مابقتش تسوى نظره العين  سماد بايظ وبيتحط على الفاضى يضرب ثمرتنا ويبوظ معدتنا
كنا فى الماضى نحس بطعم الزرعه وحلاوتها فيها نيل بلدنا ودلوقتى بقى طعمها خبيث فيها ريحه شارون وشيمون بريز وبقت منفوشه
على الفاضى شكل بيلمع وسم بيحرق جو جسمنا  وشوفو مستشفيتنا من غذانا بقى فيها المرضى اد ايه  ووزير ناجح قاعد فرحان فى المصايب اصله ياخونا بيعمل بمبدء حكومتنا الجميله لا ارى لا اسمع لا اتكلم ادام الخطه ماشيه وبنئذى فى شعبنا  وبياكل من عيش مش زاى بتاعنا ده بقمح مستورد بيجيلو من بره واشرب ياشعب المرض وكل من الارض حتى السبخ ونيجى نبص
للخضار فرز اول على بلاد بره وفرز رابع ارميه لجوه شعب مايستهلش غير الدود وفى البطاطس حفر ونقر تكعبل فيها السكينه وتتحسر عليها العين ياوزير زرعتنا بقيت دهيتنا تاكلنا وتموتنا وكمان تردم فلاحنا عشان يهجر ديرتنا وتاخد ارضينا وتديها لاولاد عمك برخص التراب فى الصالحيه كانت للشباب ارض بور وسعات صخريه وقولنا يازراعه الحقينا ادينا ارض مستصلحه عندكم الالات والمعدات ليه تدونا ارض بور رديت الوزاره بكلمه واحده اللى مش عجبه طبعا رد بليغ لكن كانت المفاجاءه ارض عرابى الزراعيه عشان بالوسطه ومعرفه قويه استصلحت فى ايام وادوها لابن ريس بدون ذكر اسماء وكمان زرعو فيها النبات شوفتو الوزاره بتاعتنا لشبابنا بايعهم ومستغنيه وللوسطه مدياهم اهميه ودومت ياوزير زراعتنا زاى قش الرز وجودك فى دنيتنا اكبر اذى ماشوفنا من وراك الا الهم والغم والاسى وربنا يستر علينا فى دنيتنا من مصايب حكومتنا
وبكره نكمل المسيره

الثلاثاء، 30 نوفمبر، 2010

ونرجع نكمل مسيره المؤمره


وبعد الفاصل رجعنا نكمل حكايه المؤمره اصلها مش منتهيه ده كل يوم بتجدد وبتتغير زاى فيروس انفلونزا الخنازير
الحكومه هى اللى بتحمل الفيرس والشعب المسكين بيتعدى وبيدمر ونكمل الحكايه  بس نبدئها بالدخليه وزير همام قاعد
على الطبليه بيقسم الجدول على الافنديه هاتو فلان وعذبوه واقتلوه وفى اى ترعه ارموه عقبال مالفلى سمسون ولا زغروب
حشيش او اضربلى سيجاره بانجو اعدل بيها مزاجى عشان اعرف اتعامل مع شعب اتحرق ومبقاش فيه حتى المرق من كتر ماسلق ووزيرنا الهمام لا تشوف
ولا تعرف فين ارضيه اسم وزير دخليه والدنيا من جوه بايظه البانجو بقى فى كل حته بين عيال حتتنا وفى مدرستنا واسئلو مدرسينا
كام عيل بقى مدمن لسيجارتنا وربنا يدبم علينا نعمه النسيان ووزيرنا قاعد هادى وبينام بلطجيه فى كل حته ولما تقول يابوليس تلقى الظابط جاى وفى ايده سيجاره وبيقولك مساء الخير ولا يهمك ده بلطجى لازم يعيش بامر من الرئيس وانت يامواطن ياغلبان لازم تدفع الاتاوه والا مش هتنام وحياتك وحياه عيالك مابقتش فى امان اصل الوزير مش فاضى قاعد بيعسل على الفاضى وخالد سعيد  بقى فى الماضى واخرتها جنحه على الفاضى ست شهور تحقيق وبعدها يامخبرينا كفاره واطلعو بسرعه عايزينكم لسه باقى الشعب نتاويهم ونخفيهم زاى ركاب العباره ونخش على المواصلات والدنيا رايقه ولا حد راكب ولا حد ماشى متعرفش نعمل ايه بس لازم نطلع من الفجريه اهو مكروباص ماشى ولا تكتوك هادى واتوبيسات حمرا ماتقولش اهلاويه والكل مشعبط والكل ماشى ودنيا سايبه لا الراكب راكب ولا الماشى ماشى كل ماعدى من غمره القى قطار اتنين تلاته مركونين على قضبان السكه خرده مرميه بقالها سنين ولا حد سائل فينك ياعم الوزير خرده وحديد وقضبان بتسرق وتذاكر بقت فى سوق السودا بتتباع وكل ماتروح تحجز لمحافظه يقولك اسف مافيش تذاكر بس لو معاك تدفع بزياده تحت امرك حتى لو طلع القطر بعدد زياده  والاسعار بقت هباب اروح شغلى وارجع القى صارف مهيتى وكمان بقول ياعذاب والله حرام امتى بقى هانلقى مواصله ترحمنا من عذابكم ياحكومه العذاب ده لسه دور المحافظ الوزيرى الزيرى الزيرى رجل السلطه الهمام اللى لا يسكت ولا بينام جه من دمياط وريحته طالعه من اجريوم ولا كانه عامل حاجه اصل الوزير كان حاسس فى دمياط بالحنان صحفيات حلوين بيغطو الاجتماع والعجوز فرحان ان بقى ليه اتباع وباعك يادمياط بضحكه من بنت لا تسوى حتى البتاع وجابوك ياوزيرى على قاهره بلدنا لتقهرنا وتعيش على جثث ولدنا ،،،،،،
ونكمل الحكايه بكره تانى

بناء على رغبه احد الزائرين فى وضع مرادفات معانى لبعض مصطلحات المذكوره
 وبالرجوع الى احد المستشارين فى عالم المخدارت فى بحرى وهو الاخ وائل خبير اسماك ومخدرات فى اسكندريه اشار علينا بمرادف مصطلحين
1- السمسون هو سيجاره صغيره ملفوفه وبداخلها المخدر
2- الزغروب هى سيجاره كبيره ولكن شديده عايزلها ناس خبره فى الشهيق والزفير 
وربنا يكفينا جميعا  شر كل ماهو ضار  

الأحد، 28 نوفمبر، 2010

مؤامره بيد مصريه


عجبا مايحدث فى بلدنا الحبيبه اصبحت الحكومه وزعامائها ينزعون الخير ويفجرون  الدموع فى عيونها الحبيبه
هيا ننظر سنرى فلم من الواقع المرير فلم تدمى له القلوب وتنتهى فيه الامال ويبقى الشعب مدبوح بل مدفون تحت الاقدام
تتشابك فيه الدموع وتنكسر له الاقلام ولا احد يدرى متى ياتى فجر الامل فى الخلاص من تلك الوجوه والاقدار التى حفرت القبور
لشعب لايملك الا الاحلام شعب ارتسمت على وجهه ظلمات وسواد وسعى وراء قوت اليوم وتسيل منه الدماء هذا يبكى من ظلم وهذا يضحك ويمرح بكل كبر فلا يوجد حاكم ولا سلطان الكل ينهش فى شعب ملكوم غلبان نرى فى كل قطاع ظلم الحكام وهيا نذهب الى مقاطع ذلك الفلم ونحلل ماذا يحدث فى بلدنا تحت اسم الطغيان نصبح كل صباح على كارثه تحدث فى كل مكان فلا نعلم هل سناكل اليوم
ام نقضيها على فتات الحكام فهذا قطاع التموين يوم سكر وزيت خلصان ورز اصبح حلم انه ينزل سعره ويرجع زاى مكان ويمكن اللحمه تبقى بالدولار ماهيا بقت لحمه مصطلح صعب للغلبان  وربنا يستر من الديدان ورغيف العيش بقى سياحى يخش البيوت تكله تكلم لغات وبقى ارقام فلكيه تسمعها على ساعه صبحيه هانفطر بكام ياولاد ونطلع من التموين للتعليم وزير رايق وبيشتم اصل اللى خلفه كان اصلا شتمنجى دابح كبشه وبياخد قرار وهو قاعد فى البلكونه بيشم هوا الانحدار يالا نمنع الكتب وندبح العيال ونشتم ناظر ونلف على المدارس نعمل هوليله وبعد كده نرجع فى كلمنا اصل ده المطلوب من النظار ومدرس يدبح فى ولى الامر وياخد المعاش والتانى يضرب ويقتل ويحدف سيبك اصل محدش بيحاسب والوزير كلمتين ويرجع فى كلامه ياعم ده بس بق قصاد الناس لكن المهم عنده نطور المناهج ونبقى بلد علمان ننمى فى الطالب حب الشهوات والعلم ده اخر حاجه ممكن يستفيدها المصرى الغلبان ولينا راجعه على الفلم عشان نشوف العدل ونشوف القضاء اللى بقى ضد د حقينا فى الحياه كل يوم قوانين وحاجات واقاويل ولما تكون غلبان ممكن يجيبولك اعدام فى مخالفه مرور اصل يابنى انت مش عارف القضاء بتاعنا نزيه لابعد حدود مش بقولك احنا بلد الشعارات لكن ممكن نضرب الدستور وتبقى بلدنا حكم موروث ولما نشوف نهايه العدل والقضاء واللى معاه فلوس اوعى وشك فوق القانون حتى لو كان محكوم عليه باعدام ونرجع للى قال احنا فى زمن ان سرق القوى تركناه وان سرق الضعيف قتلاناه وعجبى عليك يازمن بلدى ماشوفت زيك زمن  الناس بتموت فى المستشفيات ووزير الصحه بيدى تصريحات بطرس يعالج المايه اللى على عنيه فى المانيا والحج المسكين اللى مش لقى دوا سكر ولا قلب ولا ولا ولا  يقف فى الطابور ياعم عندنا مليون دكتور خليهم يشتغلو على الحج والحجه وبعد مايدبحوهم اهو يترمو بره هو حد بيسئل ده الوزير قاعد فى درا الفواد بيحاسب على العمليه بالدولار ايه بس ينزله ويروح الدمرداش ويشوف الناس فى الطوارئ بتتحايل وتذل عشان شويه علاج وبكره نكمل مؤ مره جديده بايد مصريه

الأحد، 21 نوفمبر، 2010

حزبى ام حسبى


بصراحه يعنى انا هاكلم برحتى لان الموضوع بقى يخنق ومش هاقول كلام متئلف او حوار من وحى الخيال ده حقيقه كلنا بنعشها يعنى بصراحه الكلام اللى هاقوله كلام منقول من الواقع منقول من وسط الشارع وهو عن الاحزاب لان بصراحه انا شايف انهم شويه نصبين ولا بيهشو ولا بينشو بيطلعو فى وقت مصلحتهم واول ماتنتهى المصلحه يستخبو فى كهوف المجلس واللى كان مستقل بقى من كلب السرايا واللى كان وطنى بقى عدوى بس عدو الشعب ونسى انه وطنى وبقى خاين بس للشعب ولحساب السرايا حتى المعارضه يطلعو بافكار وكلام ويصرخو ويصوتو وسط الميدان واول مايشوف عسكرى غلبان يجرو واصبح الصوت مكتوم ماتقولش انهم من الصم والبكم مافيش معارضه ومافيش فئات ولا مستقلين كلهم ضحك على الدقون واللى يقدر يكوش وينهب باسم الحزب يبقى اسد زمانه وبقى الشعب هو الحديقه اللى بيرتعو فيها انا مش عارف اعضاء اى حزب عملو ايه للشعب هو انا لازم يبقى اعرف عضو فى مجلس الشعب عشان اعرف اعيش واخد حقى المشروع فى الدوله لازم اجيب وسطه من سعادته عشان الشارع يسفلت ولا يبقى فيه مدرسه لابنى او حتى تدخل المايه للحى او اتعالج مده لازم تقوم بيه الحكومه ده شغلها ولا لازم وسطه ومعرفه ويبقى زمانا زمن كوسه لازم  اعضاء  الحزب يبقى كلهم فى مجلس الشعب عشان يخدمو الشعب المفروض كلنا كاشعب بناخد حقنا الطبيعى وكلنا بنخدم بعضنا مش لازم منصب ولا لازم حزب دور الاحزاب هل هو التصفيق والتهليل فى مجلس الشعب ولا نكلم ونقول كرت عضو مجلس الشعب بيدفع عليه رسوم عشان كل واحد فينا يحقق مصلحته الدوره الانتخابيه اللى فاتت من وقتها لغايه دلوقتى ايه اللى حصل مين خدم الشعب او البلد مكان نفس الحكايه شويه تهليل وبلطجيه ورش فلوس من فلوس الدوله طبعا وناس نجحت وايه حال البلد ولا حاجه الشعب اطحن اكتر والاسعار بقت اعلى من برج القاهره عملو ايه اعضاء مجلس الشعب مع الشح والغلاء وارتفاع اسعار السلع ودمار يابلد دمار مستشفيات تعليم مواصلات سرقه ونهب وناس ميته وناس بتلعب بالمليارات وزاى مابنقول بقت الدنيا ماشيه بالزق واليوم بيعدى بس لازم يتسب ده بقى حالنا والاحزاب فى العسل نايمه اتهامات وكلام وحاجات بدون فايده ويطلع كل كام يوم واحد فيهم يصرخ ويصوت واول مايشوف العين الحمره يتخمد ولا كان فيه حاجه من اول العباره وغش القمح وياما بلاوى ولا حد قدر ياخد حق ولا باطل ولا نعرف ايه اللى حصل دم فاسد وبقدره قادر بقى دم امريكى فرز اول وطلع المتهم براءه واللى كانت مبلغه وضميرها صاحى اتحطيت على مكنه التعذيب عشان تبقى عبره لكل اللى يكلم او ينطق وبنقول لسه فى احزاب بلا خيبه ولا ليها لزمه عشان كده بقول حزب لا بقول حسبى الله ونعمه الوكيل



الجمعة، 19 نوفمبر، 2010

انظر حولك

انظر حولك بعين من العقل واحترم رغبات الاخرين لتجد من يحترم رغبتك


اين نحن من عين ترى من عقل واعى بامور الحياه فتطغو علينا العاطفه احيانا


او تاخذنا مصالحنا الى طرق اخرى نعتبر فيها كل افعالنا صحيحه ونقنع انفسنا


ان هذه هى الحياه ولا ندرك ان نحن من نصنع باعيانا خيال لا نرى فيه الحقيقه


الزائفه حقيقه وضعنها بعيد عن العقل حقيقه نام فيها الضمير وصحى فيها المصلحه


كثيرا ماتاخذنا اعينا الى شهوه المصلحه بدون تدبر او مشوره سواء من العقل او


من هم اهل خبره نتجاهل عقلنا وتغلب علينا رغبتنا فكم من عين خدعت صاحبها


وكم من عين زينت لنا سموم الحياه فارتباط العين بالعقل والتفكير والتدبر هما مايصنعى القرار الصحيح
.

السبت، 13 نوفمبر، 2010

الكلمه الطيبه

دائما نبحث عن كلمات المجامله ومنها ماهو غير حقيقى فيكون مثل كلمات النفاق ولكن نبحث عنها لمن دئما لاشخاص بعيدين عنا كل البعد او بالاحرى اناس عابرى سبيل ونحرم من هم المقربين منا بالكلمه الطيبه فنجد منا من يبتسم فى اوجه الغرباء ويمتنع عن الابتسامه فى اوجه الاقرباء يتجامل فى الرد والتعبير مع الاصدقاء ويتقاسى فى الرد مع من هم اقرب الناس اليه لذا قد امرنا الله سبحانه وتعالى بالكلمه الطيبه  مع كل من يتعامل معنا وليس لاناس واناس اخرون العكس والابتسامه فى وجه اخوك صدقه حديث عن المصطفى صلى الله عليه وسلم لذا ادعو الجميع من اخوانى واخواتى الى الكلمه الطيبه الصادقه والابتسامه الواضحه بدون غل او كره داخلى