وبعد الفاصل رجعنا نكمل حكايه المؤمره اصلها مش منتهيه ده كل يوم بتجدد وبتتغير زاى فيروس انفلونزا الخنازير
الحكومه هى اللى بتحمل الفيرس والشعب المسكين بيتعدى وبيدمر ونكمل الحكايه بس نبدئها بالدخليه وزير همام قاعد
على الطبليه بيقسم الجدول على الافنديه هاتو فلان وعذبوه واقتلوه وفى اى ترعه ارموه عقبال مالفلى سمسون ولا زغروب
حشيش او اضربلى سيجاره بانجو اعدل بيها مزاجى عشان اعرف اتعامل مع شعب اتحرق ومبقاش فيه حتى المرق من كتر ماسلق ووزيرنا الهمام لا تشوف
ولا تعرف فين ارضيه اسم وزير دخليه والدنيا من جوه بايظه البانجو بقى فى كل حته بين عيال حتتنا وفى مدرستنا واسئلو مدرسينا
كام عيل بقى مدمن لسيجارتنا وربنا يدبم علينا نعمه النسيان ووزيرنا قاعد هادى وبينام بلطجيه فى كل حته ولما تقول يابوليس تلقى الظابط جاى وفى ايده سيجاره وبيقولك مساء الخير ولا يهمك ده بلطجى لازم يعيش بامر من الرئيس وانت يامواطن ياغلبان لازم تدفع الاتاوه والا مش هتنام وحياتك وحياه عيالك مابقتش فى امان اصل الوزير مش فاضى قاعد بيعسل على الفاضى وخالد سعيد بقى فى الماضى واخرتها جنحه على الفاضى ست شهور تحقيق وبعدها يامخبرينا كفاره واطلعو بسرعه عايزينكم لسه باقى الشعب نتاويهم ونخفيهم زاى ركاب العباره ونخش على المواصلات والدنيا رايقه ولا حد راكب ولا حد ماشى متعرفش نعمل ايه بس لازم نطلع من الفجريه اهو مكروباص ماشى ولا تكتوك هادى واتوبيسات حمرا ماتقولش اهلاويه والكل مشعبط والكل ماشى ودنيا سايبه لا الراكب راكب ولا الماشى ماشى كل ماعدى من غمره القى قطار اتنين تلاته مركونين على قضبان السكه خرده مرميه بقالها سنين ولا حد سائل فينك ياعم الوزير خرده وحديد وقضبان بتسرق وتذاكر بقت فى سوق السودا بتتباع وكل ماتروح تحجز لمحافظه يقولك اسف مافيش تذاكر بس لو معاك تدفع بزياده تحت امرك حتى لو طلع القطر بعدد زياده والاسعار بقت هباب اروح شغلى وارجع القى صارف مهيتى وكمان بقول ياعذاب والله حرام امتى بقى هانلقى مواصله ترحمنا من عذابكم ياحكومه العذاب ده لسه دور المحافظ الوزيرى الزيرى الزيرى رجل السلطه الهمام اللى لا يسكت ولا بينام جه من دمياط وريحته طالعه من اجريوم ولا كانه عامل حاجه اصل الوزير كان حاسس فى دمياط بالحنان صحفيات حلوين بيغطو الاجتماع والعجوز فرحان ان بقى ليه اتباع وباعك يادمياط بضحكه من بنت لا تسوى حتى البتاع وجابوك ياوزيرى على قاهره بلدنا لتقهرنا وتعيش على جثث ولدنا ،،،،،،
ونكمل الحكايه بكره تانى
بناء على رغبه احد الزائرين فى وضع مرادفات معانى لبعض مصطلحات المذكوره
وبالرجوع الى احد المستشارين فى عالم المخدارت فى بحرى وهو الاخ وائل خبير اسماك ومخدرات فى اسكندريه اشار علينا بمرادف مصطلحين
1- السمسون هو سيجاره صغيره ملفوفه وبداخلها المخدر
2- الزغروب هى سيجاره كبيره ولكن شديده عايزلها ناس خبره فى الشهيق والزفير
وربنا يكفينا جميعا شر كل ماهو ضار
بناء على رغبه احد الزائرين فى وضع مرادفات معانى لبعض مصطلحات المذكوره
وبالرجوع الى احد المستشارين فى عالم المخدارت فى بحرى وهو الاخ وائل خبير اسماك ومخدرات فى اسكندريه اشار علينا بمرادف مصطلحين
1- السمسون هو سيجاره صغيره ملفوفه وبداخلها المخدر
2- الزغروب هى سيجاره كبيره ولكن شديده عايزلها ناس خبره فى الشهيق والزفير
وربنا يكفينا جميعا شر كل ماهو ضار
طبعا مش هفضل كل ماادخل اقول ان الموضوع هايل زى كل مره بس هقولك احسنت فى المره دى كمان ويارب فى تقدم الموضوع اللى بتتكلم عنه كبير قوى بالنسبه للناس لكن للحكومه ولا حاجه بالنسبه ليهم وزى ما ذكرت فى البوست انهم عندهم كل حاجه عاى وهتعدى بكل بساطه حتى اللى بيموت عندهم عادى مش بيفكرو ان دى روح وهيتحسبو عليها انا حزينه على اللى حصل لخالد بس انا عارفه ان ربنا عمره ما هيقبل الظلم ابدا وهيخدلو حقه اذا مكنش فى الدنيا هتكون فى الاخره لكن الجزء التانى من الموضوع عن المخدرات دلوقتى بقت عادى فى وسط المجتمع دى الحاجه اللى شباب مصر بيعملها يمكن عشان يتوهو من الازمه اللى موجوده وجواهم عشان مش عرفين يعملو ايه وطلما هما بيلمو الناس اللى بتعمل كده وبيحكموهم ليه هما ميشفوش الشغل كويس ويمنعو ده ولا هما شكل وبس
ردحذفالموضوع جميل جدا
تحياتى
اهلا بيكى ياحياه ربنا يخليكى على كلامك الطيب وديما اهل ذوق وطيبه ربنا يباركلك يارب واكيد ربنا سبحانه وتعالى لا يترك يد ظالم تنطلق فى الارض وحق خالد وناس كتيره اظلمو او قتلو ظلما ربنا مابيتركوش وزاى مانتى شايفه والله من صفاته العدل والقوه على الظالم كل يوم بنشوف رؤوس الظلم والطغيان ازاى بتبقى نهايتهم والله لا شماته فى مرض او فى موت ولكن نتعظ ونصبر فان الله موجود ولكن لانستسلم فعلينا بالاجتهاد ولو بالكلمه او بالدعاء ودومتى دائما بصحه وعافيه ومنورانى دائما فى مدونتى
ردحذف